28-FEBREIRO-2020, BIBLIOTECA CEIP O CASTIÑEIRO
Este espectáculo estivo protagonizado por personaxes femininos que "escapan dos estereotipos e dos roles clásicos de xénero". Trata de mostrar como esas mulleres "lábranse un futuro prometedor e deciden libremenete". Ten como principal obxectivo "a concienciación na igualdade de xénero e a prevención das violencias machistas desde as idades máis temperás".
Pedro Brandariz leva media vida subido aos escenarios, ofrecendo monólogos por todos os recunchos da xeografía galega e española. Pero, aínda que o asociemos coa comedia stand-up ou a tradición oral galega, detrás deste gran contador hai unha ampla formación teatral. Brandariz procede do mundo do clown, e tamén traballou en compañías escénicas de corte máis clásico e de teatro infantil. Na actualidade forma parte das compañías Os Sete Magníficos máis Un, DINAMOteatro, Teatro do Astracán ou Manicómicos, e deixou, ademais, o seu sinal noutras formacións: Desaqueloutradas, Dous son Compañía ou Clowntacontos contaron habitualmente con Brandariz nas súas montaxes. Algo lóxico, vendo a súa enorme capacidade expresiva e humorística.