O mércores 4 de marzo de 2020 tivemos a visita de 2 membros da base BRIF de Laza, un técnico e un capataz, que nos informaron das actividades que realizan en dita base e dos materias e recursos cos que contan, ademais de nos dar información útil par evitar incendios forestais e da importancia do monte.
Queda pendente apra o mes de abril un andaina e visita dende o cole ata a base BRIFF.
BRIF LAZA
A base B. R.I. F. de Laza comezou a súa actividade en 2004, situada na provincia de Ourense, sendo a súa predecesora a base BRIF- B de Becerreá(Lugo), a cal se pechou en 2003 e parte do seu persoal pasou ao persoal da base de Laza.
A súa localización achega protección e mimo aos extensos piñeirais dos municipios que a rodean, ademais de seguridade ás poboacións.
Levan a cabo diversos tipos de servizo por parte do persoal e recursos da base: BRIF-A, EPRIF, BLP e BRIF-i.
Debido á alta actividade incendiaria do noroeste peninsular, atende preferentemente ás comunidades de Galicia, Asturias e Castela e León, aínda que a súa misión é dar cobertura a nivel nacional, con intervencións en Ávila, Cáceres, Teruel e Tarragona na súa memoria. A súa posición estratéxica atende aproximadamente unha centena de incendios forestais cada campaña, feito que argumenta a alta experiencia e profesionalidade, que, sumadas á formación e entusiasmo, son as claves para a prevención e extinción de incendios forestais. O número de intervencións que realiza cada ano sitúana, con fartura, no groso do dispositivo a nivel estatal. En concreto, en 2011 levaron a cabo 219 despegamentos e atendéronse un total de 109 incendios forestais.
O medio de transporte aéreo da BRIF de Laza variou ao longo dos anos, normalmente cunha formación de dous helicópteros de tipo medio con capacidade de 9 efectivos e 1.300 litros. Actualmente a base opera no verán con dous aparellos BELL 412 e en campaña BRIF-i cun Kamov Ka-26 bombardeiro e un BELL412 de transporte.
Xornadas longas e duras lémbranse entre as filas de Laza pero tamén moitos momentos de compañerismo e bo facer.
Juan Luis Rivero Gallego
No hay comentarios:
Publicar un comentario